حاجي سومرو درويش: حاجي سومرو ارغون دؤر جو مشهور درويش ٿي گذريو آهي. ’تحفته الڪرام‘ ۾ مير علي شير قانع ٺٽوي ڄاڻائي ٿو ته: ”درويش حاجي سومرو چاچڪن جي سرڪار جي هڪ نالي واري جون پرڳڻي جي هڪ ڳوٺ جو رهواسي هو. هن سنڌ جي نامور عالمن مخدوم نوح، اسماعيل چاڪي، سيد رڪن الدين ۽ سيد عبدالڪريم جي صحبت ۾ رهي گھڻو فيض پرايو. هيءُ وڏو اهل الله درويش هو. حاجي سومرو روحاني فيض في سبيل الله ڏيندو هو. انهي ڪري سندس سوين ماڻهو مريد هوندا هئا